AKHIR NI MURIB - Saer Gayo oleh Aman Diva

Saer Gayo

Akhir ni Murib karya Jalaluddin, S.Pd

Setiep si benyawa nge nyata mate

Gere mu tentu taun ne urum Lo e

Gere nengon si mude urum si tue

Gere mu manang si hine rum si mulie.

Ketike sawah waktu si ketike Oya

Gere pas musangka urum i tunda

Gere terelaken urum i tangkisen

Oya nge perintah Ari Tuhen ku malekat Izrail.

Ike menurut dalil pedih penadi

kene nabi sawah sakit e

Ari ujung ni wauk sawah ku ujung ni jejari

Al Hasan beperi lagu 300 kali i tusuk pedang

Nasib manusie betih baik rum Gere

i waktu ketike mupisah nyawa rum rembege

Ara si munyebut Ara si mu ringut

si kerna sekratul maut geh merengut

Jebeten rum reta Oya Gere i Mai

nge Gati kite erah bukti Ari si nge nge ni

pentalun peh nge mu pinah silsilah

sebelum e si indah mupinah ku si maet

Alam kubur ume tempat peristirahaten

masih i persaksinen amal perbueten

Ara pengunen Ari Munkar urum nangkir

si Gati berzikir we pas mujeweb.

Sikse i was ni kubur macam berbage

Ara mejen lape hejeb sengsara

mejen gerahen Gere neh terperin

meh aih was ni bumi Gere murasa

Sikse seteruse mu tamah Rere

mejen Ara geh Lipe mejen Ara kala

Gere tertiro Tulung ku sanak keluarga

melengkan amalen we si nguk mu bela

Manusie urum reta bewen ne putus

si Gere putus Ara tulu perkara

Oya si Gere Mera meh urum Gere Mera aus

Oya Limus kubur te rata.

Si pemulo e Keta sedekah jeriah

si keroa e Keta doa mu anak saleh

si ketulu e Keta ilmu munafaat

ini penyelamat i alam baka

Karya: Aman Diva ( Jalaluddin, S.Pd )

Urang Gayo berasal dari Desa Ketukah Gayo Lues

Kerenem ni Gayology Gayology merupakan disiplin ilmu yang mengkaji tentang kegayoan

Berbagi :