PENEJEREN MURIP MUEDET oleh Dr. Joni, MN, M.Pd, B.I

PENEJEREN MURIP MUEDET

°°°°°°°°°°°°°°°°°°°°°°°°°°

Enge lagu keloang gexrbang

Enge lagu tungil buyung

Enge lagu pepilo bayur

Enge lagu keloang gerbang si mujadi kekuyang.

Gelah lagu beru berIne

Gelah lagu bujang berAma

Gelah lagu beru berAma

Gelah lagu bujang berIne

Si dele seni buwet ni lagu limak ni gule kin pelulus mangan.

Murip gelah petanah

Murip gelah muriti

Murip gelah mupeuliye i.

Ume mupatal empus pe muperuluken

Kite si nge tueni ...

Ike betul sayang atemu kin anakmu keta i okengi, ike geli atemu kin anakmu keta i kekopen.

Boh gelah i amaten edet orum agama wan murip; si kerna edet te ni lagu zet rum sipet, i tunungen oya boh enti sawah pipet.

Enti sawah osop i pedenen,

Enti sawah manut i pelipen

Gelah bepantik genuku

Mate ni edet wan ijetihet, mate ukum wan astana.

Buge kite ni boh ike salah gelah bertegah keta ke benare pe turah berpapah. Gelah i bubun mi edet kin peger ni agama.

Enti jih ubun kin bulangen.

Gelah bulet lagu umut terus lagu gelas

Taringenmi buwet pececongkel bekas.

Ditulis oleh Dr. Joni MN, M.Pd, B.I

Akademisi Adat Budaya Gayo

Kerenem ni Gayology Gayology merupakan disiplin ilmu yang mengkaji tentang kegayoan

Berbagi :