GELAH JEROH LAGU SESABE DIRI MU oleh Dr. Joni MN, M.Pd. B.I.

GELAH JEROH LAGU SESABE DIRI MU

oleh Ama Dr. Joni MN, M.Pd, B.I

■ Gelah jeroh kayuh ni luge kati selamat perau sawah ku ewih, enti ku si kenak i sempak jele kati enti pesit rum rampam sawah ku kite. Gelah besidolotenmi kite sara ine enti sesabe diri ate mukekule rum enti sesabe diri mubelah bersi. Gelah jeroh lagu kao anak ku kati enti besebuku aku puren "beta manat ni Ine pudahna" ■

   Ike pe betul ko nge mukeduduken puren, enti renye sawah Ine Kin peningo rum pengengkun. Gelah jeroh sintak sediken becerak, enti suwenko mungkur uten kin Ine Ama mu.

   Enti besinafsinen kin reta, gara-gara reta enti sawah dewe gere besiceraken sesabe diri me, gere si pengen upet jalu ni jema gelah besienumen kam, enti waktu ara nesu we jeroh rum serinen nge gere munesu koteken serinen, renye dabuh orum jema so sawah lepake.

   Percume ko jeroh orum jema ike sesabe diri mu; abang rum engi mu galip i tomah ko renye ko orum serinen mu mubelah bersi. Jeroh ku jema ko-eh kin diri, ini buwet ni jema si gere munidesi untung gere nungkuku nasip. Ungerne we geh ari tuyuh ni uluh so... Anak sungak.

   Enti buweten oya bayakmi ate kam, i jaraki ari kite pel-oh oya. Jeroh de diye kite orum jema cumen si seruntun pusok semilu duwe galip besiewiten, besikoteken, i waktu ara kenak we begalak, oya bau bangke we kite, gere hebat ilen kite, ike oya pel-oh.

Ditulis oleh Ama Joni MN
Ketua STIT Al-Washliyah Aceh Tengah
Pakar Nilai Budaya Gayo